^mdAG-NÍ.TUKU LUGAL TIN.TIR.KI

za-ni-in é-sag-íl u é-zi-da

pa-liḫ DINGIR.MEŠ GAL.MEŠ a-na-ku

é-lugal-galga-si-sá ziq-qur-rat

é-giš-nu₁₁-gal šá qé-reb úri.KI

šá ^mur-^dnamma LUGAL šu-ut maḫ-ri

i-pu-šu-ma la ú-šak-li-lu-uš

^mšul-gi DUMU-šú ši-pir-šú ú-šak-lil

i-na mu-sa-re-e šá ^mur-^dnamma u ^mšul-gi DUMU-šú

a-mu-ur-ma šá ziq-qur-rat šu-a-tú

^mur-^dnamma i-pu-šu-⸢ma la ú-šak-li-lu-uš⸣

[...] x

[...] x-šú

[...] x ⸢ú⸣-šat-ri-iṣ

[...] ⸢É^? šu⸣-a-tim

[ki-ma u₄]-⸢mu⸣ ú-nam-⸢mir⸣-ma

[a]-⸢na⸣ ^d30 EN DINGIR.⸢MEŠ⸣

⸢šá⸣ AN-e ù KI-tim

LUGAL ⸢DINGIR.MEŠ⸣ ù ^d15

šá AN-⸢e⸣ ù KI-tim

a-šib AN-e GAL.MEŠ EN é-giš-nu₁₁-gal

šá qé-reb úri.KI EN-ia

uš-še-eš₁₅-ma e-pu-uš

^d30 EN DINGIR.MEŠ LUGAL DINGIR.MEŠ

šá AN-e ù KI-tim

DINGIR šá DINGIR.MEŠ ù ^d15.MEŠ

a-šib AN-⸢e⸣ GAL.⸢MEŠ⸣

a-na É ⸢šu-a-ti ḫa-di⸣-[iš]

⸢i^?⸣-[na e-re-bi-ka SIG₅.MEŠ é-sag-íl]

⸢ṣi-it⸣ [lìb-bi-ia]

pu-luḫ-ti ⸢DINGIR-ú-ti-ka GAL-ti⸣

lìb-bu-uš šu-uš-kin-ma

a-a ir-šá-a ⸢ḫi⸣-ṭi-ti

la-le-e ba-la-ṭu liš-bi