Oracc Search: (j=ŋ sz=š s,=ṣ t,=ṭ 0-9=₀-₉; '=alef) in !cbd/ !cbd/ Transliterations Lemmatization Translations Catalogue Unicode input
Oracc Advanced Search Results: revise search new search
Text Cat. 1 Texts [0 matches] none only
All Results 1 lines / 1 Pages [0 matches] Line Sentence KWIC
Schaudig, AOAT 256 2.3, ex. 1
a-na diš-tar šu-úr-bu-tim
ru-um-tì ì-lí qá-ri-it-tim
dIN.NIN i-la-at ta-am-ḫa-ru
e-pí-ša-at tu-qu-un-tim
na-mi-ir-ti be-le-et da-ad-mi
ša-qu-tì i-gi₄-gi₄
ru-ba-a-tì da-nun-na-ki
na-ša-a-⸢at⸣ pu-lu-úḫ-tim
be-el-tim ša mé-lam-mu-šu
ša-mu-ù ka-at-mu
nam-ri-ir-ru-šu KI-tim DAGAL-tim sa-aḫ-pu
dINANNA a-kà-dè.KI be-let ta-ḫa-za
ša-ki-na-at ṣu-la-a-ti
a-ši-ba-at é-máš-da-ri
ša qé-re-eb KÁ.DINGIR.RA.KI GAŠAN-ia
dAG-na-ʾi-id LUGAL TIN.TIR.KI
ti-ri-iṣ qá-ti dtu-tu
à-aš-ru ka-an-šu pa-li-iḫ DINGIR GAL.GAL
re-é-a-am za-ni-nu-um
ša a-na ṭè-mi DINGIR.MEŠ pu-tuq-qú
GÌR.NÍTA ša-aḫ-ṭa* mur-te-ed-du-ú ú-si iš-tar
mu-ṭa-aḫ-ḫi-id sa-at-tu-uk-ku
mu-ki-in ni-id-bé-e
ša ud-da-kam iš-te-né-eʾ-ú
du-mu-uq ma-ḫa-zi DINGIR.MEŠ
i-na é-sag-íl É.GAL DINGIR.DINGIR
i-gi-sa-a šu-ur-ru-ḫu
ú-še-er-re-bu qé-re-eb-⸢šu⸣
a-na eš-re-e-ti DINGIR.DINGIR ka-li-ši-na
sa-ad-ru šu-ul-ma-nu
DUMU mdAG-ba-lat-su-iq-bi
ru-bu-ù e-em-qa a-na-ku
ì-nu-šu é-máš-da-ri É dINANNA a-kà-dè.KI
ša uš-šu-šu in-na-mu-ú
i-mu-ú ka-ar-mi-iš
li-ib-na-as-su id-ra-num
iq-mu-ú di-ta-al-li-iš
a-šar-šu šu-ud-du-ú
la ba-aš-mu sa-gu-šu
na-du-ú si-ma-ak-ki-šu
na-pa-ar-ku-ú qú-ut-re-nu
e-pe-eš É ša-a-tim lìb-bi i-ta-mi-ma
ka-ba-at-tì ḫa-áš-ḫa-tuš
a-šar É šu-a-tim aš-te-ʾe-e-ma
a-ḫi-iṭ te-em-mé-en-šu
i-ši-id-su ab-re-e-ma
ú-ki-in li-ib-na-as-su
é-máš-da-ri in qé-reb KÁ.DINGIR.RA.KI
e-eš-ši-iš e-pú-uš
a-na šu-a-tim dINANNA a-kà-dè.KI
i-la-at ta-am-ḫa-ru
É ša-a-tim
šu-ba-at na-ra-mi-ki
ḫa-di*(text: MI)-iš na-ap-li-si-ma
qí-bi-i ba-la-ṭa₄
ša úr-ru-ku u₄-mi-ia
šu-um-ú-da₄ ša-na-ti-ia
ma-ḫa-ar dAMAR.UTU LUGAL DINGIR.DINGIR
at-mi-i ud-da-kam
a-ša-ar qá-ab-lum
ù ta-ḫa-zi-im
i-da-a-a al-ki
lu-na-ar a-a-bi-ia
lu-ša-am-qí-it
na-ki-ri-ia