[la ik-šu-du] ⸢iš⸣-ṭù-ru-ma [iš-ku-nu]

⸢um⸣-ma te-me-en-na é-ul-⸢maš⸣ [ú-ba-ʾi-i-ma la ak-šu-ud]

GIŠ.ÁSAL ù GIŠ.maš-tu-⸢ú⸣ [ak-šiṭ-ma]

te-né-e é-ul-maš e-pu-uš-ma <a-na> ^dINANNA a-⸢kà⸣-[dè.KI ad-din]

^mdAG-NÍG.GUB-ÙRU LUGAL TIN.TIR.KI DUMU ^mdAG-IBILA-⸢ÙRU⸣

LUGAL a-lik maḫ-ri-ia e-peš É šu-a-tim lìb-ba-šú ub-[lam-ma]

te-me-en-šú la-bi-ri ú-ba-ʾi-i-ma la i-mu-ur la i-⸢pu⸣-[uš]

ia-ti ^dAG-NÍ.TUKU LUGAL TIN.TIR.KI e-peš É šu-a-tim áš-te-eʾ-e-ma

i-na qé-reb a-kà-dè.KI pa-ni qaq-qa-ru ú-pat-ti-ma

áš-te-eʾ-a te-me-en-na i-na MU.7.KAM i-na pa-le-e-a ki-i-nim

i-na na-ra-am LUGAL-ú-ti-ia ^dINANNA a-kà-dè.KI GAŠAN GAL-ti

šu-ba-at-su da-rí-ti iḫ-ta-as-sa-as-ma

a-na É šu-a-tim ⸢is⸣-[li]-⸢im⸣-ma ip-pa-šìr ka-bat-tu-uš

⸢^dIŠKUR GÚ.GAL⸣ [AN-e u KI-tim x x] x x x-⸢di-ma⸣