Oracc Search: (j=ŋ sz=š s,=ṣ t,=ṭ 0-9=₀-₉; '=alef) in !cbd/ !cbd/ Transliterations Lemmatization Translations Catalogue Unicode input
Oracc Advanced Search Results: revise search new search
Text Cat. 1 Texts [0 matches] none only
All Results 1 lines / 1 Pages [0 matches] Line Sentence KWIC
Schaudig, AOAT 256 2.10
[dna-bi]-⸢um⸣-na-ʾi-id LUGAL TIN.TIR.KI
[ru-bu-ú] ⸢mi⸣-gi-ir dAMAR.UTU
[re-é-a-um] ⸢ni-bi-it d⸣AG
[x x za-ni-in é]-sag-íl
[ù é-zi-da x x] x-šu
[x x] x ⸢li-ib-bi⸣
[a-na] ša-a-ṭi se-er-de-šu-un
⸢ka⸣-an-šu ki-ša-ad-su
⸢i⸣-ša-ad-da-du sa-ar-ma-šu-un
a-na ša e-li-šu-nu ṭa-a-bi e-pé-šu
gi-na-a ú-sa-al-lu-ù DINGIR.DINGIR GAL.GAL
DUMU mdna-bi-um-ba-la-at-su-iq-bi
ru-bu-ú e-em-qu a-na-ku
e-nu-ma ši-pí-ir é-zi-da
a-na šu-ul-lu-mu aš-te-eʾ-ú
i-ga-ra-ti si-ḫi-ir-ti é-ur₄-me-imin-an-ki
uš-ši ad-di-ma ú-kin te-me-en-ši-in
e-eš-šiš e-pú-uš-ma a-na ta-na-da-a-ti aš-ták-kan
a-na ta-ab-ra-a-ti ki-iš-ša-at ni-ši
lu-le-e uš-ma-al-li
i-ga-ra-a-ti si-ḫi-ir-ti é-zi-da
iš-tu KÁ né-re-bi dna-na-a a-di ÍD
[mé]-⸢eḫ⸣-ra-at IM.SI.SÁ ù mé-eḫ-re-et IM.MAR.TU
[ki-lal]-la-šu i-di ÍD.ga-at-tim
[ša] ⸢d⸣NÈ.ERI₁₁.GAL-LUGAL-ÙRU LUGAL pa-ni-⸢i⸣
[i-pú-šu-ma] ⸢la⸣ ú-šak-li-lu ši-pí-⸢ir⸣-[šu]
[a-šar-šu ul ú]-⸢na⸣-ak-ki-ir-⸢ma⸣
[ú-ul-la-a re]-e-ši-šu
[a?]-⸢ab⸣-ni-⸢ma e-li⸣ ša pa-ni ú-ša-tir
[aš-ša]-⸢at⸣-tim dAG IBILA ki-i-num
[ša]-qu-ú ši-it-ra-ḫu
nu-úr DINGIR.MEŠ ab-bé-e-šu
mi-im-mu-ú e-te-ep-pu-šu
ḫa-di-iš na-ap-⸢li⸣-is-ma
ba-la-ṭa₄ UD.MEŠ ar-ku-ti
še-bé-e li-it-tu-ti
šar-ru-ti ki-iš-šu-ti be-lu-ti ba-ú-la-a-ti
GIŠ.GU.ZA šu-úr-šu-du pa-la-a ar-ki
a-na UD.MEŠ da-rí-ú-ti
a-na ši-ri-ik-tim šu-úr-ka-am
i-na GIŠ.LE.É.UM-ka ki-i-nim
mu-kin pu-lu-uk ša-mé-e ù er-ṣe-tim
ša a-ra-ku UD.MEŠ-ia šu-uš-ṭi-ir qá-tuk-ka
at-ta lu-ú še-e-du du-um-qí-ia-ma
ma-ḫa-ar dAMAR.UTU ù dE₄.RU₆
šu-ri-ib a-ma-a-at du-um-qí-ia