^dna-bi-um-IBILA-ú-ṣu-úr LUGAL mi-ša-ri-im RE.É.UM ni-bit ^dAMAR.UTU

bi-nu-ut ^dnin-men-na ru-ba-ti ṣi-ir-tim šar-rat šar-ra-a-te

ti-ri-iṣ qá-ti ^dna-bi-um ù ^dtaš-me-tum ru-bu-ú na-ram ^dnin-ši-kù

ì-nu-um i-na mé-eṣ-ḫe-ru-ti-ia DUMU la ma-am-ma-nim a-na-ku-ma

ina à-aš-ra-at ^dna-bi-um ù ^dAMAR.UTU EN.MEŠ-e-a aš-te-né-eʾ-a ka-a-a-nim

šu-ut ku-un-ni pa-ar-ṣi-šu-nu ù šu-ul-lu-mu ki-du-de-šu-un i-ta-ma-a ka-bat-ta

a-na ki-it-ti ù mi-ša-ri-am ba-ša-a uz-na-a-a

^dšà-zu EN mu-du-ú lìb-bi DINGIR.MEŠ ša ša-me-e ù er-ṣe-tim

ša ta-ka-la-at ni-ši-im i-ba-ar-ru-ú ka-a-a-nim

ia-a-ši ṣa-aḫ-ri-im ša i-na ni-ši-im la ut-tu-ú ša lìb-bi-ia ib-re-e-ma

i-na KUR ab-ba-nu-ú iš-ku-na-an-ni a-na re-še-e-tim

a-na be-lu-ut ma-a-ti ù ni-ši-im it-ta-ba ni-bi-ta

ú-ša-li-ik ^dLAMMA du-un-qu i-na i-di-ia

i-na mim-ma e-te-ep-pu-šu ú-ša-li-im ši-ip-ra-am

^dNÈ.ERI₁₁.GAL dan-dan-ni DINGIR.MEŠ ú-ša-li-ik i-da-a-a

i-na-⸢ar⸣ a-[x]-⸢bi⸣-ia ú-ša-am-qì-it ga-ri-ia

aš-šu-ru-ú ⸢ša ul-tu⸣ UD.MEŠ ru-qu-te ku-ul-la-at ni-ši-im i-bé-lu-ma

i-na ⸢ni-ri⸣-šu ka-ab-ti ú-ša-[x]-⸢zi-qu⸣ ni-ši-im ma-a-ti

a-na-ku en-šu-um pí-is-nu-qu [...]-⸢eʾ⸣-ú EN EN.EN

i-na ⸢e-mu-qu⸣ ga-áš-ra-[...]-⸢um⸣ ù ^dAMAR.UTU EN.MEŠ-e-a

[x]-tu KUR ak-ka-di-i še-⸢ep⸣-[...]-⸢us⸣-ma ni-ir-šu-nu ú-ša-ad-di

⸢ì-nu-šu⸣ é-⸢PA-GÍN-ti-la É⸣ [...] ⸢ša⸣ qé-reb šu-an-na.KI

[x] ⸢ul⸣-la-⸢nu-ú-a⸣ [...] ⸢la⸣ ig-mu-ru ši-pir-šú

[...]-ti [...] ib-ši-ma

[...] ⸢^dUTU⸣ ù ^dAMAR.UTU

[...] ⸢e-mi-id⸣ tup-šik-ku

[...] ši-pí-ir-šú

[...]-⸢ri⸣-[x] ṣu-lul-šú

[...]-a i-na KÁ.MEŠ-šú

[...]-⸢iṭ⸣-ma a-na ^dnin-urta EN-ia ki-ma u₄-mi ú-nam-mir

⸢ma⸣-na-[...]-ú DUMU.DUMU a-li-ku à-ar-ki-ia

[x] ^dAMAR.⸢UTU⸣ [...]-⸢na⸣-ab-bu-ú zi-ki-ir-šú

⸢ša e-mu⸣-[...] ⸢e⸣ ta-aš-du-ud a-na lìb-bi-ka

⸢à-aš-ra⸣-[...] ^dAMAR.UTU ši-te-eʾ-e-ma li-na-ru ga-ri-ka

^dAMAR.UTU be-⸢lí⸣ [x]-⸢ḫa⸣-[x] ⸢pí-i⸣-im i-ba-ar-ri lìb-bi

ša it-ti ^dEN ⸢ki-i-nu⸣ i-ku-un-⸢na⸣ iš-da-a-šú

ša it-ti ⸢DUMU ^dEN⸣ ki-i-nu ú-la-⸢bar⸣ a-na da-rí-a-tim

⸢e-nu-ma É šu-a-ti in-na-ḫu⸣-ma tu-pa-aš-ša-ḫu an-ḫu-us-su

ši-ṭi-ir ⸢šu-mi-ia⸣ a-mu-úr-ma it-ti mu-šar-re-e-ka šu-ku-un

i-na qí-bi-it ^dAMAR.UTU EN ra-bí-i ša la in-né-en-nu-ú qí-bit-su

⸢zi⸣-ki-ir šu-mi-ka li-iš-ša-ki-in a-na UD.MEŠ da-ru-ú-tim